Լոր գյուղ․ Սահյանի տուն-թանգարանում
Սյունիքի, Սիսիան շրջանի Լոր գյուղ եմ։ Առաջին հայացքից աչքի է ընկնում իր մաքուր ու նեղ փողոցներով, այստեղ կարելի է երկար զբոսնել, մեծ բավականություն կստանաս։
Ասում են, թե երբ հայոց Լորիկ իշխանը թշնամու դեմ հերոսաբար կռվելով զոհվում է, նրան թաղում են գյուղից ոչ հեռու և վրան մատուռ կառուցում, իսկ գյուղին էլ տալիս են իշխանի անունը՝ Լոր։ Մինչև հիմա էլ կանգուն է Լորիկ իշխանի մատուռ։
Համո Սահյանի տուն-թանգարան
Այս գյուղում է ծնվել անվանի բանաստեղծ Հմայակ Գրիգորյանը, նույն ինքը՝ Համո Սահյանը։ Կարծում եմ չկա մեկը, ով չսիրի նրա ստեղծագործություննրը։
Այցելում ենք թանգարան։ Մուտքն անվճար է։ Բանաստեղծի տունը մի քանի տարի առաջ են վերանորոգել, ցավոք այն ջերմությունն ու մթնոլորտը որին սպասում ես, չես տեսնի։
Առաջ ես անցնում, պատերին փակցված բանաստեղծություններ կտեսնես։ Այստեղ գտնվում է նրա գրասեղանը, որի վրա աշխատել է 10 տարուց ավել, ժամացույցներ, լուսանկարներ, մակագրված նվեր ստացած գրքեր։ Վարպետի մասին մի շարք պատմող իրեր, որոնք մտովի քեզ չտանեն շատ վաղ ժամանակներ։
Քեզ կպատմեմ հետաքրքիր փաստեր։ Օրինակ՝ Սահյանն իր գրական անունը ստեղծել է հոր՝ Սահակի անվան առաջին մասի «ՍԱՀ» և ազգանվան վերջավորության «յան» համատեղումով։
Համո Սահյանի բանաստեղծությունները տպագրվել են դեռևս 30-ական թվականներից, սակայն նա համընդհանուր ճանաչման է արժանացել ռազմաճակատում գրած «Նաիրյան դալար բարդի» բանաստեղծությամբ, որը հատկանշվում է Հայաստան երկրի հանդեպ կարոտի հուզական բռնկումով և անմիջականությամբ։
Վարպետը թարգմանել է Ա. Պուշկինի, Ս. Եսենինի, Գ. Լորկայի և այլ բանաստեղծների ստեղծագործություններից։ Սահյանի բանաստեղծություններում անձինք են համարվում անձրևը, ծառը, կայծակը, գետը, լիճը և այլն։
Նա միշտ ասում էր. «Ոնց գյուղացի եղել եմ, այդպես էլ կամ» ու միշտ պարծենում էր դրանով: Նա մեծ կուլտուրայի տեր մարդ էր: Երբեք ոչ ոքի սպասեցնել չէր տալիս. միշտ առաջինը ինքն էր գնում հանդիպման:
Համո Սահյանի ստեղծագործությունների թեմատիկայի մաս է կազմում Հայաստանը։ Այցելության ավարտին փոքր կճուճ կմեկնեն քեզ, ձեռքդ մեկնիր ու միջից թուղթ հանիր։ Բացեցի՞ր։ Սարյանական տողեր են, ես նույնպես ունեմ, այս կերպ Սարյանը միշտ քեզ հետ կլինի։
Այցը կազմակերպելու համար դիմել՝ Basen Hotel & Tours–ին
Leave a Reply