Տեսնելիք և անելիք

Ձմեռը Հայաստանում․6 վայր հայկական ձմեռային հեքիաթը վայելելու համար

on
24.09.2018

Հայաստան այցելելով կարելի է վայելել երկրի դեռևս անծանոթ համն ու բույրը, տեսնել շնորհալի արհեստագործների ստեղծած ինքնատիպ աշխատանքներ, ծանոթանալ թե՛ հին, թե՛ ժամանակակից ճարտարապետությանը, տպավորվել մայրաքաղաք Երևանով, հրաշալի ժամանակ անցկացնել ջերմ ու հյուրընկալ միջավայրում և հեռանալ տպավորված՝ կրկին Հայաստան վերադառնալու մտադրությամբ: Ձմեռային Հայաստանը ոչ պակաս հետաքրքիր է, 6 վայր հայկական ձմեռային հեքիաթը վայելելու համար։

Ծաղկաձոր

Ծաղկաձորը Երևանից 50 կմ հեռավորության վրա է գտնվում, այն ամենահայտնի ձմեռային հանգստավայրերից է և լեռնադահուկային սպորտի սիրահարների համար յուրահատուկ տեղ է զբաղեցնում: Ճոպանուղի, ձյունածածկ բնություն, էլ ի՞նչ է պետք էքստրեմալ հանգիստ նախընտրողներին: Քաղաքի անբաժանելի մասն է կազմում ճոպանուղին, որն ունի 5 կայան: Կառուցվել են նաև շուրջ 30 կմ երկարությամբ սահուղիներ: Այստեղ ձմռան ամիսներին իրենց հանգիստն են անցկացնում ինչպես հանրապետության բնակիչները, այնպես էլ արտերկրից ժամանած ձմեռային մարզաձևերի հազարավոր սիրահարներ: Քաղաքում գործում են բարձրորակ ծառայություն ապահովող ժամանակակից հյուրանոցներ և հանգստյան տներ, համեղ ուտեստներ, տաք թեյ, ամեն ինչ իդեալական հանգստի համար:

Ջերմուկ

Ջերմուկի հանգստյան գոտին զբոսաշրջիկներին գրավում է իր մեղմ կլիմայով: Ամռանն այստեղ հով է, իսկ ձմռանն՝ առատ ձյուն է տեղում, ամպամած օրեր էլ գրեթե չկան: Ջերմուկ քաղաքն իր ողջ գեղեցկությամբ բացվում է զբոսաշրջիկի առաջ 2480մ բարձրությունից: Սա Ջերմուկի ճոպանուղու ամենաբարձր կետն է: Տարվա այս եղանակին Ջերմուկը աննկարագրելի գեղեցիկ է, այն անպայման տեսնել է պետք: Իսկ տեղի բնակիչների հյուրասիրությունն ու ջերմությունը թույլ չեն տա, որ դուք սառնություն զգաք: Ջերմուկ այցելել ձմռանն ու չընդունել տեղի հայտնի տաք աղբյուրներում լոգանք և բնական ջրային մերսումներ, կարելի է համարել, որ դուք մեծ կորուստ եք ունեցել:

Երևան
Ձմեռային արձակուրդները Հայաստանում չեն սահմանափակվում Ծաղկաձորով, Ջերմուկով կամ այլ վայրերով: Հայաստանի հյուրերը հնարավորություն ունեն կատարյալ հանգիստ ունենալ նաև Երևանում, վայելել ավանդական խոհանոց, այցելել բազմաթիվ ժամանցի կենտրոններ, մասնակցել տարատեսակ ամանորյա տոնավաճառների և սահել սահադաշտում: Երևանը իսկապես գեղեցիկ է ամանորյա տոներին. հազարավոր լույսեր և տոնական տրամադրություն քաղաքի յուրաքանչյուր անկյունում. զարդարված տոնածառեր և լուսավորված փողոցներ: Ի դեպ ամանորյա օրերին երևանյան մի շարք թանգարաններ աշխատելու են հենց ձեզ համար, միայն պետք է ընտրել և այցելել:

Հունոտի կիրճ

Հունոտի կիրճը Ջդրդուզի ներքևում է: Վերևից նայելիս թվում է` կիրճ իջնելն անհնար է: Թերևս Արցախի ամենայցելվող տեսարժան վայրը տարվա ցանկացած եղանակի յուրովի է բացահայտվում: Ձմռանը, ողջ տարածքը սպիտակով է ծածկված, քայլարշավի սիրահարները կարող ենք այս հրաշքը վայելել նաև այս եղանակին: Հունոտի կիրճ կարելի է հասնել Շուշիի մերձակայքում գտնվող Մխիթարաշեն գյուղից: Դե ինչ, նույն դրախտային «Զոնտիկներ» ասված վայրը մեկ այլ գեղեցկությամբ կհայտնվի ձեր առջև:

Աշոցք

Աշոցքը շատ վաղուց համարվում էր ձմեռային զբոսաշրջության վայր, սակայն տարիների ընթացքում այն մոռացության մատնվեց ու միայն վերջերս կրկին հին ավանդույթը փորձում են վերականգնել: Ձﬔռային տուրիզմի համար Շիրակի մարզն ունի եղանակային բարենպաստ պայմաններ: Այստեղ այնպիսի հարմարություններ են ստեղծված, որ աﬔնաանփորձ մարդն էլ կարող է դահուկներով զբոսնել, իրենց մոտ ծառայությունն այդպես էլ կոչվում է, դահուկային զբոսանք: Մի քանի դահուկուղիներ կան, ինչպես Աշոցքում, այնպես էլ Գյումրիի մոտակայքում: Սարերի լեռներից այն կողմ Գյումրին շատ հարուտ պատմամշակութային կոթողներ ունի, կարող ենք այնտեղ այցելել, ծանոթանալ տեղի արվեստագետների և արհեստագործների աշխատանքներին:

Եղվարդ

Եղվարդը գտնվում է մայրաքաղաք Երևանից 12 կմ հեռավորության վրա: Հայաստանի գեղեցկությունը ավելի ընդգծված և ամբողջական տեսնելու համար այս սեզոնին ևս իրականացվում են պարապլաներային թռիչքներ: Հայաստանի շունչը հնարավոր է զգալ նաև Ծաղկաձորից, Ազատի ջրամբարից և Եղվարդից թռիչքներ կատարելով: Վերջին տարիներին Հայաստանում լայն տարածում է նաև գտել snowkiting-ը, ինչը իրականում է այնտեղ, որտեղ դաշտեր, քամիներ և իհարկե ձյուն կա:

 

 

Comments

ԹԵԳԵՐ
ՆՄԱՆ ԳՐԱՌՈւՄՆԵՐ

LEAVE A COMMENT

Lilit Khachaturyan
Armenia, Yerevan

Ողջույն, իմ անունը Լիլիթ է և սա իմ ճանապարհորդությունն է: Այս բլոգն իմ ճանապարհների մասին պատմելու լավագույն տարբերակներից է: Տեղ գտած յուրաքանչյուր պատմություն արտացոլում է իմ տեսածը, զգացածն ու փորձածը: Սիրում եմ երկար ճանապարհներ, գրքեր, գույներ, չեմ կարողանում անտարբեր անցնել քաղցրավենիքի կողքով, մինչ օրս վախենում եմ մորեխներից և գյուղական զուգարաններից: Բարի գալուստ իմ աշխարհ: