ՏավուշԳրանդ Պիանո Քոթեջ։ Նոր վայր Դիլիջանում

Գրանդ Պիանո Քոթեջ։ Նոր վայր Դիլիջանում

Մարդն ու բնությունը մեկ ընդհանրություն են։ Ինչպես մարդիկ են կախված բնությունից, այնպես էլ բնությունը՝ մարդկանցից։ Կարևոր է այդ հարաբերություններում ներդաշնակության հասնելը: 

Գալիք Weekend-ն առաջարկում եմ անցկացնել Տավուշի մարզում, որտեղ հասկացա, որ մեր կյանքն անքակտելիորեն կապված է հայրենի բնության հետ։Շատ հաճախ առօրյա հոգեկան անհանգստությունը երբեմն ուզում ես փոխարինել  այլ գործողություններով, որոնք ամեն օր կրկնվող կյանքիցդ ծայրահեղ տարբերվում են։ 

Գտնվում եմ սաղարթախիտ, բնության ներկապնակով զարդարված Դիլիջանում։ Վստահ եմ, որ ինձնից էլ լավ գիտեք, թե ինչ անել Դիլիջանում,  բայց թե ո՞ւր մնալ, այս անգամ կհուշեմ։

Գրանդ Պիանո Քոթեջ

Կանգառը Էդվարդ Միրզոյանի անվան կոմպոզիտորների ստեղծագործական տունն է, այստեղ հասնելը բարդ չէ, քանի որ Դիլիջան մտնելուն պես վահանակները ուղեկցում են հենց այնտեղ։ Եթե անգամ երաժիշտ չեք մեկ անգամ այցելելը չի խանգարի, այստեղ կարելի է տեսնել համաշխարհային մեծության կոմպոզիտորների տնկած խնձորենիներ։ Տաղանդավոր գեղանկարիչ Մարտիրոս Սարյանն էլ էր այս վայրը սիրում  ու հաճախ էր գալիս բնությամբ հիանալու։ Ինչպես աշխատակիցներն ասացին, այստեղ Առնո Բաբաջանյանին կարելի էր նարդի խաղալուց տեսնել, Մայա Պլիսեցկայային սունկ հավաքելուց։ Չեք հավատա, բայց Շոստակովիչը «Համլետ» ֆիլմի երաժշտությունը հենց այստեղ է գրել։

Մնալու եմ հենց այս տարածքում Գրանդ Պիանո Քոթեջում։

Grand Piano Cottage Dilijan 

+374 93577605 (Արթուր)

FB: @grandpianocottagedilijan

Դիլիջանյան առատ անտառների գրկում էլ գտնվում է քոթեջը։ Այս փառահեղ պատմությամբ և խոյակերտ սովետական ճարտարապետությամբ հսկա համալիրը ոչ միայն Հայաստանի, այլև ողջ Սովետական Միության պարծանքն էր։ Ճանապարհի հսկիչ անցակետից ներս ես մտնում ու զգացողությունդ այնպիսինն է, կարծես  ժամանակակից մարդն այստեղ  չի էլ եղել։ 21-րդ դարն անցել, սակայն շրջանցել է այստեղ գրեթե ամեն բան։

Չնայած տարածքի բարդ ռելիեֆին ճարտարապետները  կարողանում են ճիշտ  լուծումներ գտնել  և առաջին իսկ տարում  ստեղծագործական  տունը մեծ հաջողություն և  համբավ է ձեռք բերում, որից հետո տարեց տարի սկսվում է ավելանալ քոթեջների թիվը։ Եվ նման մի քոթեջ էլ  Գրանդ Պիանո-ն է, որտեղ էլ պատրաստվում եմ մնալ և գիշերել։ Քոթեջն իր տեսակի մեջ եզակի է։

Ինչո՞ւ

  • Այս վայրը կսիրեն այն մարդիկ, ովքեր իսկապես փնտրում են աղմկոտ առօրյայից հանգստություն։ Ճարտարապետական լուծումների շնորհիվ քոթեջները միմյանցից հեռու են՝ միմյանց չխանագրելու համար։
  • Ոչ մի մարդ, սպասարկման անձնակազմի երբեք չես նկատի, ամեն ինչ արված է, մաքսիմում անդորրն ու հանգիստը վայելելու համար։
  • Քեզ մուտքի գաղտնակոդ կփոխանցեն, ինքդ ես դուռը բացելու։
  • Սնվելու համար կարող ես ինքդ հոգ տանել, քոթեջում առկա է հագեցած խոհանոց, իսկ եթե պատրաստելու տրամադրություն չունես, հոգ չէ, կարող ես օգտվել Կոմպոզիտորների տան ռեստորանից։
  • Երեկոններն այստեղ կախարդական են, պատուհանից կամ պատշգամբից տեսարանը դիլիջանյան հարուստ բնությունն է։
  • Եղանակը անձրևայի՞ն է, քոթեջում մի՛շտ տաք է։
  • Քոթեջը նախատեսված է 4 հոգու համար։
  • Մեկ օրվա արժեք 60․000-40․000 դրամ է (ըստ սեզոնի)
  • Հեռուստացույց մտածված չկա։ Կարիքն էլ չես զգա, կփոխարինեն տեսարանն ու բնությունը։

Դեռ մտածո՞ւմ ես, վերցրու հեռախոսդ և ամրագրիր (airbnb)

Ինչպես հասնել Դիլիջան՝ Հյուսիսային ավտոկայան, երթուղայինի արժեքը 1200 դրամ, ggShuttle 1400 դրամ

Հեռավորությունը Երևանից՝ 99 կմ, երթևեկության տևողությունը`1ժ. 30ր։ 



Leave a Reply

Your email address will not be published. Required fields are marked *

This site is protected by reCAPTCHA and the Google Privacy Policy and Terms of Service apply.

This site uses Akismet to reduce spam. Learn how your comment data is processed.

Instagram
Հետևեք ինձ