Գեղարքունիք
Տարածքի մեծությամբ այն առաջինն է Հայաստանում։ Մարզն այնքան մեծ է, որ նրանում հանգիստ կտեղավորվեն Արարտի, Արմավիրի և Կոտայքի մարզերն ամբողջությամբ։ Ամբողջ տարածքի շուրջ 1/4-ը զբաղեցնում է Սևանա լիճը։
Գեղարքունիքի մարզը հիմնականում զբաղեցնում է Սևանա լճի ջրհավաք ավազանը: Գեղամա և Վարդենիսի լեռներում բազմած են տասնյակ հրաբխային կոներ: Հատկապես ուշագրավ են Աժդահակ և Արմաղան հրաբուխները, որոնց ձագարձև խառնարաններում գոյացել են գեղեցիկ լճակներ: Կլիման բարեխառն լեռնային է: Ձմեռը ցրտաշունչ է, ամառը` տաք: Աևանա լիճը նկատելիորեն մեղմացնում է ափամերձ գոտու ձմռան սառնամանիքը և ամռան շոգը:
Գեղարքունիքի մարզում կարելի է հանդիպել նախաուրարտական և ուրարտական ժամանակաշրջանների բերդերի, ամրոցների, բնակավայրերի, հնավայրերի հետքեր, սեպագիր արձանագրություններ: Լճից ազատված տարածքներից հայտնաբերվել են մինչև հինգհազարամյա հնության դամբարաններ։
Դեպի Գեղարքունիք ճանապարհորդական խորհուրդներ և ուղղություններ
- Այցելել Սևան քաղաք
- Ձի հեծնել
- Փախլավա ուտել
- Խաչքարեր տեսնել
- Սևանա լճում ժամանց
- Քյուփթա պատրաստել
- Աժդահակ բարձրանալ
- Կիկլոպյան ամրոց տեսնել
- Ժայռապատկերներ տեսնել
- Ձուկ ուտել
- Թռչուններ տեսնել
- Հեծանիվ վարել
![](https://lil.am/wp-content/uploads/2022/12/Дизайн-без-названия23.jpg)
Նորատուս
![](https://lil.am/wp-content/uploads/2022/12/Дизайн-без-названия22.jpg)
Սափբորդ Սևանում
Գավառ
Մարզկենտրոն Գավառը գտնվում է Երևանից 92 կմ հեռավորության վրա: Քաղաքը նախկինում հանրապետության արդյունաբերական կենտրոններից էր, սակայն մի շարք խոշոր գործարանների աշխատանքների դադարեցման պատճառով արդյունաբերական արտադրանքի թողարկումն էապես կրճատվել է: Այժմ տնտեսության առաջատար ճյուղը եւ բնակչության հիմնական զբաղվածության ոլորտը գյուղատնտեսությունն է:
Հիշում ենք, Հայաստանում ճանապարհորդում ենք կանխիկ գումարով։ Վայրեր կան, որոնք մինչ օրս աշխատում են միայն կանխիկով։
Իհարկե կան ռեստորաններ և հյուրանոցներ, որոնք առցանց վճարման համակարգ ունեն, սակայն նրանք հաշված մատերի վրա են։ Թանգարաններում նույնպես կանխիկ գումար է պետք։ Եվ հիշում ես, բոլոր թանգարանները երկուշաբթի փակ են։
Բարի Գալուստ Գեղարքունիք
Պատմության սիրահարների համար շատ բան կա տեսնելու, քանի որ մարզում գտնվում են պատմական մեծ նշանակություն ունեցող մի քանի վայրեր: Սևանա լճի արևմտյան և հարավային ափերը պատված են տպավորիչ եկեղեցիներով, խաչքարերով և Ուրարտական միջնաբերդներով։