Ի՞նչ է խորհրդանշում ձեր ձեռքի թևնոցը
Մարդկությունը այն ժամանակներից է սկսել զարդեր պատրաստել, հենց որ սովորել են ինչ-որ բան անել սեփական ձեռքերով։ Հնագույն զարդերը, որոնք գտել և գտնում են հնագետները, ցույց են տալիս, որ զարդերի նկատմամբ հետաքրքրությունը դարից դար աճել է։ Եթե սկզբում նրանք եղել են պարզ՝ ոսկորներից, կավից կամ փայտից, ապա դարեր անց՝ պատրաստվել են արծաթից,ոսկուց և զարդարել թանկարժեք քարերով։ Այստեղից կարելի է եզրակացնել, որ մարդուն միշտ անհրաժեշտ է եղել զարդեր, որոնք բոլոր ժամանակներում եղել են ուժի և հզորության խորհրդանիշ, դրանք մատնանշում էին ոչ միայն աշխարհիկ մարդկանց, այլև զբաղեցրած պաշտոնը։
Հնում զարդերը, բացի էսթետիկ իմաստից, ունեցել են հզոր էներգետիկ ուժ։ Եվ պատահական չէ, որ դրանք վաղուց ստեղծվել են տարբեր տեսակի նյութերից։ Սա կարելի է բացատրել նրանով, որ մարդկության նախնիները զարդերն օգտագործում էին ամուլետների և մի շարք ծիսակատարությունների համար։
«Օրմե» կամ «Արմե»
ORMĒ-ի (Հազարամյակներ առաջ աշխարհ ժողովուրդների մեծ մասը հայերին ու հայերի երկիրը անվանում էր «Օրմե» կամ «Արմե»։Այս մասին նաև վկայում են ուրարտական արձանագրությունները) առաջին աշխատանքի հիմքում ուրարտական ժամանակաշրջանի օձակերպ գլխիկներով բրոնզից թևնոցն է, որն այսօր գտնվում է Դիլիջանի երկրագիտական թանգարան-պատկերասրահում։
ORMĒ-ն ստեղծվել է պատմության հարուստ և մոռացված շերտերը յուրովի արթնացնելու առաքելությամբ։ Վերապրեցնելով զարդերը հնարավորություն է տրվում գնալ դեպի մոռացված արմատներ, և այնտեղից վերադառնալ սեփական արժեքներով սնված։
Թևնոցների պատմությունը, ըստ հնագետների, սկսվել է մոտ 2,5 միլիոն տարի առաջ: Հին աշխարհում թևնոցները քաջության խորհրդանիշ էին, մարտիկներին հաղթանակի պարգևատրում։
Այժմ թևնոցները խաղում են ոճային աքսեսուարների դեր, սակայն պետք չէ մոռանալ, որ նրանք ունեն գաղտնի նշանակություն՝ պաշտպանելու և բնավորության հատկությունները ընդգծելու շնորհ։
Մեր նախնիները հավատում էին, որ զարդի յուրաքանչյուր կտոր իր մեջ կախարդական ուժ կամ սուրբ նշանակություն ուներ: Տղամարդը կամ կինը կարող են իրենց թևին կրել թևնոց, որոնք վստահություն էին ներշնչում սեփական անձի հանդեպ։
Ձախ դաստակին կրելը ցույց է տալիս սեփական անձիդ հանդեպ սերը, հոգատարություն, և էներգիա քաղելու ունակությունը, իսկ աջ դաստակը՝ գործողություն, կառավարում, ուժ, առատաձեռնություն։
Ցանկությունը ձերն է, թե ինչի՞ համար եք ցանկանում օգտագործել թևնոցում առկա զորեղությունը 😉
Leave a Reply