Ուղղություններ Տեսնելիք և անելիք

Կիրովական հյուրանոց․ Խորհրդային ժամանակներից դեպի հետխորհդային

on
10.04.2020

Ճանապարհորդությունների ընթացքում չեմ դադարում հիանալ ինձ հանդիպած խորհրդային մոդերնիստական ճարտարապետությամբ։  Որտե՞ղ կարելի է զգալ խորհրդային շունչը, եթե ոչ խորհրդային շինությանը նայելիս։ Ամենևին, պարտադիր չէ այցելել ցուցադրությունների որպեսզի գնաք խորհրդային ժամանակներ, ընդամենը պետք է ճանապարհորդել այդ ուղղություններով  ու վայելել տեսածը։ Հավանաբար գուշակեցիք, ինչի մասին եմ պատմելու։


Մինչև կհասնեի Վանաձոր, միջին տարիքի մարդկանց շրջանում «հարցում» անցկացրեցի, թե որտեղ կարելի է գիշերել։ Հետաքրքիր էր, որ բոլորը միաձայն առաջարկեցին Կիրովական հյուրանոցը։ -Ջերմ հիշողություններ արթնացան,- ասացին  նրանք։ Կանգնած եմ հյուրանոցի մուտքի մոտ։ 

Այն 1980 թվականին բացված առաջին 3 աստղանի հյուրանոցն էր։  Կիրովականը խորհրդային ժամանակաշրջանում եղել է գլխավոր տուրիստական հյուրանոցներից։ Շատ հեշտ գտա, հեռվից կնկատեք  ազդեցիկ ու բարձրահարկ շինություն, կարծեմ միակ բարձրահարկ շենքն է բարձրադիր վայրում։ Միայն շենքին նայելիս կզգաք խորհրդային ժամանակի շունչն ու ոգին։

Իմ, հյուրանոցում գտնվելու օրերին տեղ ու դադար չկար, այստեղ շատ հաճախ կազմակերպում են երաժշտական  կենդանի կատարումներ, ունկնդիրների շարքում կարող եք նկատել զբոսաշրջիկների, որոնք հյուրանոցի այցելուները չեն։

Հյուրանոցի գնային քաղաքականությունը այնպիսին է, որ յուրաքանչյուր ոք կարող է  այստեղ իրեն գիշերակաց թույլ տալ, բոլոր սենյակներն էլ կահավորված, կոկիկ ու հարմարավետ են։ Իսկ հյուրընկալ և բարեհամբյուր  անձնակազմը կփորձի ձեր հանգիստը դարձնել ավելի հարմարավետ։ Անգամ եթե չգիտեք որտե՞ղ շրջել Վանաձորում, նրանք այդ հարցում էլ կօգնեն։ Փամբակի գետ, Վանաձորի կերպարվեստի թանգարան, Սայաթ-Նովայի անվան այգի, Վանաձորի բուսաբանական այգին, անելիքները ավելի շատ են, քան կարելի է պատկերացնել։  


Կիրովական հյուրանոցից բացվում է հիանալի տեսարան, եթե ձեռքդ պատշգամբից  դուրս մեկնես, տպավորություն է, որ ողջ Վանաձոր ափիդ մեջ է։ Բարձրադիր վայրում գտնվելու մյուս առավելություններից մեկն էլ այն է, որ կկարողանաք վայելել  նաև հեռվում գտնվող բնության տեսարանը։ 

Խորհրդային Հայաստանի հայտնի  հյուրանոցի պատերի ներսում մինչ օրս հետաքրքիր պատմություններ և հիշողություններ կան, որոնց մասին  հաճույքով ձեզ կպատմեն։


Իսկ ես հիշեցնեմ, որ տարիներ առաջ Հայաստանի երրորդ քաղաքում, աշխատանքի բերումով հանդիպել էի վանաձորցի դրամատուրգ, երգիծաբան, ՀՀ մշակույթի վաստակավոր գործիչ Սամվել Խալաթյանին։ Ով նրա հետ շփվել է, միանշանակ կհամաձայնվի, որ Վանաձորի «համեմունքներից» է, այն էլ եզակի, այլ  տեղ չհանդիպող։ «Վանաձորն Արեգակնային համակարգում հայտնի է իր 7 հրաշալիքներով, սակայն այն ունի 8-րդ, 9-րդ, 10-րդ ու էլի բազմաթիվ հրաշալիքներ»,-խոստովանեց նա։  Հենց հիմա ամրագիր հյուրանոցային համար, և ժամանակ տրամադրիր բացահայտելու աշխարհի քո հրաշալիքները։

 

 

Comments

ԹԵԳԵՐ
ՆՄԱՆ ԳՐԱՌՈւՄՆԵՐ

LEAVE A COMMENT

Lilit Khachaturyan
Armenia, Yerevan

Ողջույն, իմ անունը Լիլիթ է և սա իմ ճանապարհորդությունն է: Այս բլոգն իմ ճանապարհների մասին պատմելու լավագույն տարբերակներից է: Տեղ գտած յուրաքանչյուր պատմություն արտացոլում է իմ տեսածը, զգացածն ու փորձածը: Սիրում եմ երկար ճանապարհներ, գրքեր, գույներ, չեմ կարողանում անտարբեր անցնել քաղցրավենիքի կողքով, մինչ օրս վախենում եմ մորեխներից և գյուղական զուգարաններից: Բարի գալուստ իմ աշխարհ: