Տաթև․ Արհեստների փառատոն՝ «Մենք ենք, մեր սարերը»
Ձմեռային արշավները հիանալի միջոց են վայելելու լեռների գեղեցկությունը։ Անկախ սպասվող դժվարություններին, այդ արշավները շատ մեծ տպավորություններ կբերեն։ Առաջին կարևորը պայմանը։ Նախապես է պետք պատրաստվել, առջևում ձեզ սպասվում է նոր տեսակի ձյունապատ լանդշաֆտների բացահայտում:
Ձմեռային արշավների ընթացքում միայն կարելի է հասկանալ, որ բնությունը տարվա ցանկացած ժամանակ չնաշխարհիկ է։ Առասպելական ձյունածածկ անտառներ, ոտքի տակ ճռճռացող ձյուն, մանր տոտիկների հետքեր։ Սովորական բնապատկերները բոլորովին այլ տեսք ունեն։ Ձյունածածկ ծառերն էլ հիշեցնում են հեքիաթի նկարազարդումներ, նույնիսկ փոքր բլուրը ձյան մեջ նման է Հիմալայան գագաթի:
Այն վայրը, որտեղ տեղի է ունենալու փառատոնը անցնում է ոլորաներով։ Մայրուղին՝ լեռների ֆոնին, կարծես պարզապես բարակ լույսի ժապավեն լինի։ Մնացյալ տեսարանները, որտեղ հասնում է տեսողությունը, զբաղեցնում են հսկայական լեռներ, լանջեր ու գագաթներ, վերևում էլ միայն երկինքն է։
Միայն Սյունիքում կարելի է երկնքին ամենամոտը լինել և միայն այստեղի լեռների լանջերին կարելի է տեսնել սպիտակ ամպեր, որոնք սիրում են թափառել։ Ժամանակ էլ կա, որ այնքան ցածր են կախված՝ կարծես գետնին շատ մոտ են: Թվում է, որ կարող եք ցատկել նրանց կողմը, ձեռքով մոտեցնել ,մի կտոր պոկել։ Ուրիշ որտե՞ղ կարել է տեսնել, թե ինչպես է երկինքը երկրից ցածր իջնում, եթե ոչ Սյունիքի մարզում։
Հուլիսի 10-ին, «ՏաԹևեր» ճոպանուղու «Հալիձոր» կայանի հարևանությամբ տեղի կունենա «Մենք ենք, մեր սարերը» արհեստների փառատոն՝ ներառյալ արդեն հայտնի դարձած և այդքան սիրելի ոչխարների խուզումն ու «Բրդից` կարպետ» փորձառությունը։
Ճախարակ, գունավոր թելերը, իլիկ, կտուտ և ականջին հասնող գեղեցիկ մեղեդիներ։ Կարպետագործը կարծես թելերի օգնությամբ նվագում է, հրաշալի, պարզ ու մաքուր։ Նման քաղցրաձայն մեղեդիներ միայն կարպետագործության և գորգագործության ընթացքում կարող եք ճաշակել։
Նախկինում գորգերը ստեղծվել են ընտանիքին հաջողություն բերելու համար։ Շատ հաճախ նրանց վրա կարելի է հանդիպել կենաց ծառի, ինչը ընտանիքի պաշտամունքն է, արգասաբեր է և պաշտպանում է չարքից։ Կարպետ գործել են և՛ մեծերը, և՛ փոքրերը: Գյուղերում աղջիկները դեռ վաղ հասակից նստել են տորքի առջև։ Այն աղջիկների դաստիարակության մեջ մեծ նշանակություն է ունեցել։
Փառատոնի հաջորդ փորձառությունն էլ հետևյալն է, Հայաստանի մի շարք տարածքների պեղումների ընթացքում գտնված կահկարասին և նրանց վրայի զարդանախշերը արտացոլում են հին Հայաստանի հարուստ անցյալն ու ապրելակերպը։
Կժեր, բաժակներ, բազմատեսակ պնակներ՝ խեցեգործությունը հայ մարդու կենցաղում ունեցել է յուրահատուկ տեղ, իսկ այսօր այն կազմում է հայկական մշակույթի մի մաս։
Հետաքրքիր զգացողություն է, կարծես ինքներդ անցյալի և ներկայի խաչմերուկում լինեք։ Վարպետաց դասից հետո կարող ենք անցնել մեկ այլ միջոցառման․․․
Փառատոնի ընթացքում արվեստի և արհեստի բաց դասեր, որոնք կներկայացնեն Սյունիքից ու Վայոց ձորից 15 արհեստավորներ, համեղ ուտեստներ՝ պատրաստված Տաթև համայնքի 7 գյուղերի ներկայացուցիչների կողմից, ի դեպ յուրաքանչյուր գյուղ ներկայանալու է իր ուտեստով, այս և շատ այլ համտես,մրցույթներ՝ «Մենք ենք, մեր սարերը» արհեստների փառատոնին։ Ի դեպ, փառատոնի ընթացքում տեղի կունենա Լավ էլի խմբի համերգը, որին նաև կարող եք մասնակից դառնալ նաև դուք։
Եթե դեռ մտածում եք արդյոք մասնակից դառնալ միջոցառմանը․․․«ՏաԹևեր» ճոպանուղու խցիկի պատուհաններից նկատած կլինեք ներքևում երևում է լքված, խորհդավոր վայրեր, ժամանակն է վայրերի հետ մոտիկից ծանոթանալ, իսկ «Ոչխարների խուզում» հատվածի մասին կլռեմ, պատմելով անհնարին է զգացողություններ փոխանցել, սեփական աչքով, ինչու ոչ նաև փորձով է պետք տեսնել։
Հուլիսի 10-ին իմ ուղղությունն է Սյունիք, մասնակցում ենք «Մենք ենք, մեր սարերը» արհեստների փառատոնին։
Ի՞նչ փոխադրամիջոց կա հուլիսի 10-ին «Մենք ենք, մեր սարերը» արհեստների փառատոնի համար։
Տարբերակներ՝
Երևան-Տաթև-Երևան gg shuttle
Hyur Service, Yerani Travel Armenia , ONE WAY Tour զբոսաշրջային կազմակերպությունների շրջայցեր Մանրամասների համար կարող եք կապնվել վերոնշյալ կազմակերպությունների հետ:
Փառատոնի մասին՝ https://fb.me/e/1lTVIVPjy
